स्वदेश गान (सामुहिक रचना)

म मरेको छैन आमा, तिम्रै काखमा निदाएको छु ।

तिम्रो हितको सपना देख्दै, म त शहिद भएको छु ॥

अधिकार खोज्दै यहाँ, भोका नाङ्गा जाग्यो आमा,

परिवर्तन ल्याउनलाई, देशले रगत माग्यो आमा ।

असहाय दु:खीहरूको, पीडा मेट्न उठेको छु,

उन्नतिको सम्भव रोप्दै, म त शहिद भएको छु ॥

एउटा सन्तान गुमाउदैमा, तिम्रो काख रित्तिदैन,

देशको निम्ति मर्नेलाई, ईतिहासले बिर्सिदैन ।

अँध्यारोलाई हटाउने, जुन खोज्न गएको छु,

एकताको माला गाँस्दै, म त शहित भएको छु ॥

शरिर मेरो नभए पनि, आत्मा तिम्रै वरिपरि,

चस्किएर दुखीरहन्छ, देश अझै घरिघरि ।

यहि दर्द मेट्न तिम्रै, आँखाबाट बगेको छु,

भविष्य त्यो सुन्दर देख्दै, म त शहिद भएको छु ॥

Special Thanks to Prabha Acharya, Ashok Parthiv Tamang, Jitendra Malla, Raj Panta, Aastha Dahal & Asha Gurung

Thursday, November 26, 2009

@ दोहा, कतार