मेरो वियोगी राग

मेरो रहर तिमीमा, तिमीले रोज्यौ छल,

हराई गयौ भिँडमा, के पायौ नि फल ?

रहेन यो जिन्दगीमा, आधारिलो पन,

मरि गए आशा जति, दुखी रह्यो मन ॥

लुकी तिम्रो नजरमा, नाँच्थे म सँधै,

सम्झना छ तस्वीर झै, मनमा अझै ।

परेलीको डिलमा बसी, रम्न मैले चाँहे,

संसार ठाने तिमीलाई, शून्यता पो पाँए ॥

बालुवाको पूल भो, मिलन हामी बीचमा,

शीतको सागर छोडेर, गयौ मेरो प्रीतमा ।

आँशु फ्याक्यौ अन्त्यमा, मेरो भागमा,

कसले स्वर देला अब, मेरो रागमा ?

Thursday, December 24, 2009

@ दोहा, कतार