मेरो खुसी यहि नै छ, जहाँ तिम्रो रहर छ

मेरो खुसी यहि नै छ, जहाँ तिम्रो रहर छ ।

चार नजरले कल्पिएको, शान्त सुन्दर शहर छ ॥

मिठा-मिठा बातहरू, कोमल-सुन्दर हातहरू ।

दुई धड्कनका मातहरू, बैशालु यी रातहरू ॥

प्राण झै प्यारो नेपाल

सगरमाथा शिर हो हाम्रो, झुक्दैन कहिल्यै पनि,

बुद्धको वचन सिद्धान्त राम्रो, मान्दछौ जहिल्यै पनि ।

तराईका फाट-सुनौला खेत, पहाड र सुन्दर हिमाल,

एउटै छ हाम्रो विश्वमा राम्रो, प्राण झै प्यारो नेपाल ॥

स्वदेश गान (सामुहिक रचना)

म मरेको छैन आमा, तिम्रै काखमा निदाएको छु ।

तिम्रो हितको सपना देख्दै, म त शहिद भएको छु ॥

अधिकार खोज्दै यहाँ, भोका नाङ्गा जाग्यो आमा,

परिवर्तन ल्याउनलाई, देशले रगत माग्यो आमा ।

मेरो वियोगी राग

मेरो रहर तिमीमा, तिमीले रोज्यौ छल,

हराई गयौ भिँडमा, के पायौ नि फल ?

रहेन यो जिन्दगीमा, आधारिलो पन,

मरि गए आशा जति, दुखी रह्यो मन ॥

मरे र म देश बाचोस्

मरे र म देश बाचोस्, भन्नेहरु सुन, धरती नै
टुट्न ला'छ, सोच केहि गुण ।
कसको लागि अंश यहाँ, के को लागि सिमा ?
देखिदैछ, अध्यारो छन्, भोलिका ती दिन !!

पर्खाईमा

तिम्रै आहट भेट्न सधै, नजरलाई दास बनाई,

तिर्सना यो मेट्न सधै, रहरलाई खास बनाई ।

म त थिए दोबाटोमा, तिम्रै नाममा रक्सिएको,

सम्झनामा घुम्थ्यौ, तिमी, जवानीमा मस्किएको ॥