मेरो खुसी यहि नै छ, जहाँ तिम्रो रहर छ

मेरो खुसी यहि नै छ, जहाँ तिम्रो रहर छ ।

चार नजरले कल्पिएको, शान्त सुन्दर शहर छ ॥

मिठा-मिठा बातहरू, कोमल-सुन्दर हातहरू ।

दुई धड्कनका मातहरू, बैशालु यी रातहरू ॥

माया मेरो छाती भरी, पिर टाढै झरेको छ ।

स्वपनिल ती दिनहरू, आज सामु परेको छ ॥

संगितको मिठो धुन, नशालु यी ओठ छुन ।

धैर्यताको सिमा के हो, माया मेरो धड्कन सुन ॥

अंगालोमा बाधिएर, तनमा कम्पन बल्झेको छ ।

हौसिएको यो जवानी, तिम्रो सुरमा अल्झेको छ ॥

Saturday, October 03, 2009

@ दोहा, कतार